اسلام آباد(مانیٹرنگ ڈیسک)بارات پہنچنے پر دلہن ورثا سمیت پچھلے دروازے سے فرار، گھوٹکی کا بلاول بارات سمیت گھر کے سامنے دھرنا دے کر بیٹھ گیا۔تفصیلات کے مطابق تحصیل ڈھرکی کے نواحی گاؤں غلام قادر لغاری میں بلاول لغاری سہرا سجا کر دلہن لینے کے لئے بارات سمیت سسرال پہنچے تو دلہن کے ورثاء نے بدلے میں ایک رشتہ اور دینے کا مطالبہ کر دیا۔
بات نہ بنی تو دلہن اور ورثاء گھر کے پچھلے راستے سے گاؤں سے فرار ہونے میں کامیاب ہو گئے۔بلاول لغاری کا کہنا ہے کہ پندرہ سال قبل اس کی بہن روبینہ کی شادی اس کے سالے اعجاز کے ساتھ ہو گئی اور اس کا نکاح پروین سے کیا گیامگر رخصتی نہیں ہوئی۔ آج جب اپنی دلہن کو لینے آئے ہیں تو دلہن اپنے ورثاءسمیت گھر چھوڑ کر فرار ہوگئی ہے۔ہاتھوں پر مہندی، گلے میں ہار اور کلائی میں گانا باندھے دلہے نے دلہن کے گھر کے سامنے باراتیوں سمیت احتجاج شروع کر دیا ہے۔ اس کا کہنا ہے کہ وہ دلہن لیکر ہی جائے گا۔
