اسلام آباد(مانیٹرنگ ڈیسک)ناکے پر پولیس اہلکار کی فائرنگ سے نوجوان کی ہلاکت کے بعد اسلام آباد پولیس نے شہر کے داخلی و خارجی راستوں پر تعینات اہلکاروں کیلئے نئی ہدایات جاری کر دیں ۔ تفصیلات کے مطابق اسلام آباد میں پولیس فائرنگ سے نوجوان کی ہلاکت کے بعدپولیس حکام نے ناکوں پر اقدامات کے لئے ہدایت نامہ جاری کردیا۔ہدایت نامہ میں مشکوک گاڑی کے بھاگنے کی صورت میں صرف ٹائر پرفائر کرنے کی اجازت ہو گی۔نئے ہدایت نامے کے مطابقناکے پر نہ رکنے والی گاڑی کوپہلے مرحلے میں سائن بورڈ یا پلاسٹک بیرئر سے
روکا جائے گانہ رکنے کی صورت میں فوری طور پر وائرلیس کے ذریعےدیگر ناکوں کو اطلاع دی جائےجبکہ مشکوک گاڑی کے شہر سے آوٹ ہونے کے پیش نظر اس کے ٹائر پر فائر کیا جائے۔ ہدایت نامے میں واضح کیا گیا ہے کہ کسی مشکوک شخص پر سیدھے فائر کی اجازت کراس فائرنگ کی صورت میں ہوگی۔ ہدایت نامے کا اطلاق شہر کی تمام داخلی اور خارجی پوسٹوں پر ہوگا اس پرعمل نہ کرنے والے اہلکاروں کے خلاف سخت کارروائی کی جائے گی،واضح رہے کہ گزشتہ روز تھانہ سبزی منڈی کے حدود آئی ٹین میں پولیس اہلکاروں نے ناکے پر گاڑی نہ روکنے کی پاداش میں کار سوار پر فائرنگ کردی تھی جس کے نتیجے میں تیمور ریاض نامی نوجوان موقع پر ہی جاں بحق ہوگیا تھا۔
