کراچی(آئی این پی)سندھ ہائی کورٹ کے جناب جسٹس فاروق شاہ کی سربراہی میں قائم ڈویڑن بینچ نے479 ارب روپے کی کرپشن میں ملوث پیپلزپارٹی کراچی کے صدر سابق وفاقی وزیر ڈاکٹر عاصم کی درخواست ضمانت پر جمعہ کو اختلافی فیصلہ لکھا ،بینچ کے جج فاروق شاہ نے درخواست ضمانت مسترد کردی،

جبکہ جسٹس کریم خان آغا نے ملزم کی پچس ،پچس لاکھ روپے کی درخواست ضمانت منظور کرتے ہوئے ملزم کا نام ای سی ایل میں نہ ڈالنے اور ملزم کو پاسپورٹ جاری کرنے کا حکم دیا ہے ،مقدمے کا اختلافی فیصلہ آنے کے بعد مقدمہ ریفری جج سے کرانے کے لئے واپس چیف جسٹس آف سندھ ہائی کورٹ بھیج دیا گیا ،اس سے قبل بھی9 مرتبہ ہائی کورٹ مختلف بینچ مقدمے کی سماعت کرنے سے انکار کر چکے ہیں۔