کراچی (آن لائن) پاکستان مسلم لیگ (ن) کے کارکنوں نے جمعرات کو محمد زبیر عمر کی بطور گورنر سندھ حلف برادری سے قبل گورنرہاؤس کے باہر احتجاجی مظاہرہ کیا ۔کارکنوں نے احتجاج کے دوران شدید نعرے بازی کی ۔
تفصیلات کے مطابق نئے گورنر سندھ کی تقریب حلف برداری سے قبل مسلم لیگ (ن) کے کارکنوں نے حلف برداری کی تقریب میں کراچی سے منتخب یوسیز چیئرمینز اور وائس چیئرمینز کو مدعو نہ کرنے کے خلاف احتجاجی مظاہرہ کیا ۔احتجاجی کارکنان کا کہنا تھا کہ حلف برداری کی تقریب میں قربانی دینے والے کارکنوں کو نظر انداز کیا گیا ہے ۔کارکنوں نے اس موقع پر ’’گونہال گو‘‘ اور دیگر نعرے بھی لگائے ۔بعد ازاں پولیس نے احتجاجی مظاہرین کو گورنر ہاؤس سے پیچھے دھکیل دیا ۔
