پشاور (مانیٹرنگ ڈیسک)خیبرپختونخوامیں تحریک انصاف کے رکن اسمبلی فضل الہی کے حجرے میں دھماکہ ہواہے ۔ایک نجی ٹی وی کے مطابق یکہ توت کے علاقے میںتحریک انصاف کے ایم پی اے فضل الہٰی کے حجرے میں دھماکہ ہوا ہے ۔ جس وقت دھماکہ ہوا رکن اسمبلی فضل الہی حجرے سے منسلک اپنے گھر میں موجود تھے تاہم ان سمیت تمام لوگ محفوظ رہے ہیں۔
دھماکے سے حجرے کے بیرونی دروازے کو نقصان پہنچا ہے۔ دھماکے کی اطلاع ملتے ہی پولیس اور ریسکیواداروں کی نفری موقع پر پہنچ گئی ہے اور شواہد جمع کر نے کا کام شروع کردیاجبکہ دھماکے کی نوعیت کا تاحال پتا نہیں چل سکا ہےاس موقع پرفضل الہی نے بتایاکہ کچھ ر وزقبل مجھے 2کروڑ بھتہ دینے کےلئے دھمکیاں موصول ہورہی تھیں جس کے بارے میں پولیس کوبھی اطلاع کررکھی تھی ۔
