اسلام آباد(آئی این پی)تحریک انصاف کےمنحرف کارکن عبدالقیوم نے کہا ہے کہ پارٹی میں اب کارکنوں کی آواز سنی نہیں جارہی،چند لوگ پارٹی پرقابض ہیں،عمران خان اور کارکنوں کےدرمیان فاصلے بڑھتےجارہے ہیں۔

انہوں نے آج بنی گالہ میں پریس کانفرنس کرتے ہوئے کہا کہ عمران خان اور کارکنوں کے درمیان فاصلے بڑھتےجارہے ہیں۔ ہم کوشش کریں گے کہ الیکشن سے پہلے پارٹی کو متحد کریں۔ انہوں نے کہا کہ ہمیں بلدیاتی اورضمنی انتخاب میں کیوں کامیابی نہیں ملی ،سوچناچاہئے۔ عبدالقیوم نے کہا کہ پارٹی میں اب کارکنوں کی آواز سنی نہیں جارہی بلکہ چند لوگ پارٹی پرقابض ہیں۔جس کے باعث آج کارکن متحد اور متحرک نہیں ہیں۔