پشاور(مانیٹرنگ ڈیسک) پاکستان میں جعلی ویکسینیشن کے ذریعے القاعدہ کے سربراہ اسامہ بن لادن کی تلاش کےلئےامریکی سی آئی اے کی طرف سے جاسوسی کرنے والے ڈاکٹرشکیل آفریدی کوشناختی کارڈجاری نہیں کیاہے بلکہ ان کےساتھ ان کی اہلیہ اوربچوں کے شناختی کارڈزبھی نہیں جاری کئے گئے ہیں ۔۔
ایک نجی ٹی وی کی رپورٹ کے مطابق شکیل آفریدی کے وکیل قمرندیم نے بتایاکہ میرے موکل شکیل آفریدی اورانکی اہلیہ اوربچوں کوشناختی کارڈزجاری نہیں کئے گئےہیں .جس کی وجہ سے ان کے پاسپورٹس جاری نہیں ہوسکتے اوربیرون ملک جانے کےلئے پاسپورٹ ابتدائی شرط ہے۔قمرندیم نے کہاکہ نادرانے شکیل آفریدی اوران کی اہلیہ اوربچوں کے شناختی کارڈزبنانے سے کرنے انکارکردیاہے ۔انہوںنے کہاکہ وہ اس معاملے پرعدالت سے رجوع کرینگے کہ شکیل آفریدی ،انکی اہلیہ اوربچوں کوقومی شناختی کارڈزجاری کئے جائیں ۔دوسری طرف وزارت داخلہ نے اس بارے میں کسی قسم کاموقف یارعمل دینے سے انکارکردیاہے ۔
