اسلام آباد (این این آئی) وزیر داخلہ چودھری نثار نے بلاگرز کے خلاف مقدمہ درج کیے جانے کی خبر کا سخت نوٹس لیتے ہوئے کہا ہے کہ یہ کیسے ممکن ہے کہ ایف آئی آے بغیر تحقیق و تفتیش کسی کے خلاف مقدمہ درج کرے۔ دوسری جانب ایف آئی اے نے کہا ہے کہ بلاگر سلمان حیدر کیخلاف کوئی مقدمہ درج نہیں کیا گیا۔
بلاگرز اور ان کے خاندان کئی روز سے ایک مشکل صورتحال سے گزر رہے ہیں۔ کس نے ایف آئی اے کو یہ اختیاردیا کہ وہ ان کی پریشانی میں اضافہ کرے، ایف آئی اے کی غیر ضروری اور بلاجواز فعالیت کا تعین کیا جائے۔ دوسری جانب ایف آئی اے نے بیان میں کہا ہے کہ سلمان حیدر کے خلاف مقدمے کے لئے درخواست موصول ہوئی ہے جو احتشام نامی شخص نے دائر کی تھی۔ درخواست کا جائزہ لینے کے بعد ہی کوئی فیصلہ کیا جائےگا۔
