اسلام آباد(مانیٹرنگ ڈیسک)11خواتین بم ڈسپوزل سکواڈ کا حصہ بن گئیں، تین بہنیں بھی شامل ہیں۔تفصیلات کے مطابق پاکستان کے صوبہ خیبرپختونخواہ کے پولیس ٹریننگ سکول 11خواتین سمیت 24کمانڈوز نے تربیت مکمل کر کے بم ڈسپوزل سکواڈ میں شمولیت اختیار کر لی ہے ، مذکورہ خواتین میں ضلع کرک کے ایک غریب گھرانے سے تعلق رکھنے والی تین بہنیں پروین گل، رخسانہ اور صائمہ بھی شامل ہیں۔یاد رہے کہ اس سے قبل رافیہ قاسم بیگ پہلی پاکستانی خاتوں تھیں جنہوں نے پہلی دفعہ بم ڈسپوذل یونٹ میں گذشتہ شال شمولیت اختیار کی تھی۔تینوں بہنوں نے بتایا کہ ان کا تعلق صوبہ خیبر پختونخواہ کے ضلع کرک کے ایک غریب گھرانے سے ہے اور ان کے والد جسمانی طور پرمعذور ہیں۔ ان کہنا تھا اُنھیں بھاری ہتھیاروں کا استعمال کے علاوہ ناکارہ کرنا بھی سکھایا گیا ہے ۔اس وقت صوبہ خیبر پختونخواہ میں600 خواتین پولیس کے مختلف شعبوں میں خدمات سرانجام دے رہی ہیں۔