کراچی(نیوز ڈیسک)جیل انتظامیہ نے سزائے موت کے قیدی صولت مرزا کے ڈیتھ وارنٹ کے لئے انسداد دہشت گردی عدالت کو مراسلہ بھیجا ہے۔ کراچی سینٹرل جیل کی انتظامیہ نے 1997 میں کراچی الیکٹرک سپلائی کارپوریشن کے مینیجنگ ڈائریکٹر شاہد حامد، ان کے ڈرائیور اشرف بروہی اور گارڈ خان اکبر کے قتل کے جرم میں سزائے موت کے قیدی صولت مرزا کے سزا پرعمل درآمد کے لئے انسداد دہشت گردی کی عدالت سے ڈیتھ وارنٹ کے اجرا کی درخواست کی ہے۔واضح رہے کہ صولت مرزا کو 1999 میں سزائے موت دی گئی تھی، سندھ ہائی کورٹ، سپریم کورٹ اور صدر مملکت ممنون حسین کی جانب سے رحم کی اپیل مسترد کئے جانے کے بعد وفاقی حکومت بھی صولت مرزا کی سزائے موت پرعملدرآمد روکنے کا حکم دے چکی ہے۔