کراچی(این این آئی)پی آئی اے کی خاتون پائلٹ کی سیلفیز نے سماجی میڈیا پر دھوم مچا دی ہے ۔ پی آئی اے کی پائلٹ ہما لیاقت ائیر بس 320 کی فرسٹ آفیسر ہیں ۔ہما نے یہ تصاویر طیارے کے کاک پٹ اور کاک پٹ کی ونڈو سے باہر جھانکتے ہوئے بنائیں جو سماجی میڈیا پر چھا گئی ہیں ۔بے شمار لائکس کے ساتھ ان سیلفیز پر دلچسپ تبصرے بھی ہو رہے ہیں، واضح رہے کہ اس سے قبل سوشل میڈیا پر اسلام آباد کے مشہور ڈھابے
سے ارشد خان چائے والا نے شہرت دوام حاصل کی تھی جس کے بعد اسے پوری دنیا میں شہر ت کے ساتھ ساتھ مختلف اشتہارات ،گانوں اور فلموں میں آفر ہوئی ۔ ارشد خان کے بعد تو جیسے میڈیا سٹار کی تو لائن ہی لگ پڑی ۔ پنڈی کا رکشے والا ہو یا سبزی والی ، سوشل میڈیا نے اس طرح کے بہت سے لوگوں کو راتوں رات سٹار بنا دیا ۔
