اسلام آباد(آن لائن)عوامی مسلم لیگ کے سربراہ شیخ رشید احمد نے کہا ہے کہ جسٹس سعید عظمت کو اللہ جلد صحت یاب کرے تاکہ کرپشن کاتابوت جلد ازجلد نکلے ۔بدھ کے روز شیخ رشید احمد نے سپریم کورٹ کے باہر صحافیوں سے گفتگو کرتے ہوئے کہا کہ آج جسٹس شیخ عظمت کی طبعیت ناساز ہو نے کی وجہ سے پانامہ کیس کی سماعت پیر تک ملتوی کردی گئی ہے اور ہم دعا گو ہیں کہ
جسٹس شیخ عظمت کو جلد صحت یابی اور کامرانی ملے تاکہ کرپشن کا تابوت جلد ازجلد سپریم کورٹ سے نکلے ۔انہوں نے کہاکہ جسٹس سعید عظمت کی دل کی شریانوں میں خون جم گیا تھا جس کی وجہ سے ڈاکٹرز نے تین دن ان کو آرام کا مشورہ دیا ہے۔
