کراچی (آن لائن)ہیومن رائٹس نیٹ ورک (ایچ آر این) کی رپورٹ کے مطابق پا کستان میں اس وقت تقریباََ 12 سے 13 لاکھ بے گھر بچے گلی ، سڑکوں اور فٹ پا تھوں پر اپنی زندگی بسر کرنے پر مجبور ہیں۔جبکہ پوری دنیا میں تقریباََ10 کروڑسے زائد بچے بے گھر ہیں۔علاوں ازیں دنیا بھر میں سڑکوں پر بسنے والے بچے جن کی تعداد1کروڑ20لاکھ سے زائد ہے اورپا نچ سال سے پہلے انتقال کر جاتے ہیں ۔
جبکہ پاکستان میں سالانہ تقریباََ 2لاکھ سے زائد بچے غذائی قلت کی وجہ سے بیمار ہو کر انتقال کر جاتے ہیں۔ پا کستان میں12 لاکھ 50 ہزار سے زائد بچے مزدوری کررہے ہیں،جن کی عمر10 سے 14 سال پر مشتمل ہو تی ہیں۔ ایچ آر این کے صدر انتخاب عالم سوری کاکہنا تھا کہ پاکستان میں کئی ملین بچے مختلف شعبوں میںمجبوری کے تحت کام کرتے ہیں ،مگر اب صوبہ سندھ میں چودہ سال سے کم عمر کے بچوں کی ملازمت پر پابندی لگا دی گئی ہے۔انھوں نے کہا کہ ہم حکومت کی اس نئے قا نون کو سرا ہتے ہیں مگراس قا نون سے کئی خاندان معا شی طورپر متا ثر ہوں گے۔لہذاہم حکومت سے اپیل کرتے ہیں کہ متاثرہ خاندانوں کو متبادل روزگار فراہم کیا جائے اوران بچوں کی تعلیم ،صحت اور صفائی کیلئے خصوصی پیکج کا اعلان بھی کیاجائے۔