لاہور(مانیٹرنگ ڈیسک)یادش بخیر کہ عمران خان کاسیتا وائٹ اسکینڈل بہت مشہور ہوا تھا جس پر طویل عرصے سے کپتان کی جانب سےخاموشی دیکھنےمیں آرہی تھی مگر اب تحریک انصاف کے چیئرمین عمران خان نے سیتاوائٹ اسکینڈل کے معاملے کو واضح کرتے ہوئے کہاکہ میں کوئی فرشتہ نہیں ہوں بلکہ ایک عام انسان ہوں۔

اسلام کہتاہے کہ اپنے اور دوسروں کے گناہوں پرپردہ ڈالو۔ ایک نجی ٹی وی چینل پر گفتگو کے دوران سیتاوائٹ اسکینڈل کے حوالے سے بتایا کہ اسلام کہتاہے کہ اپنے اور دوسروں کے گناہوں پرپردہ ڈالو۔میں اگر اپنی ذاتی غلطیاں معاشرے میں سب کے سامنے بیان کروں گا تو یہ معاشرے کو تباہ کرنے کے مترادف ہوگا چونکہ مجھے بہت سے نوجوان فالو کرتے ہیں تو ان پر ان باتوں کا کیا اثر جائے گا ۔ ضروری نہیں ہے کہ میں اگرکوئی کمزوری ہے تو میں اس کااعلان کردوں کیونکہ مجھے نوجوان فالو کرتے ہیں۔میں پانچ وقت نمازپڑھتاہوں تو دعاکرتاہوں کہ اللہ مجھے سیدھے راستے پرلگائے۔