اسلام آباد (مانیٹرنگ ڈیسک)افغان سرحد پار سےدہشت گردوں کی فائرنگ سے زخمی ہونے والا سپاہی شہید ہوگیا ،آئی ایس پی آر کے مطابق دہشت گردوں نے افغان سرحد پارسے پاکستانی چوکی پرفائرنگ کی۔فائرنگ خیبر ایجنسی میں پاکستانی چوکی پر کی گئی جس سے سپاہی وقاص زخمی ہوا جو بعد ازاں دوران علاج شہید ہو گیا۔
آئی ایس پی آر کے مطابق آرمی چیف نے مادروطن کی سلامتی کے لیےسپاہی وقاص کی قربانی کوسراہا۔شہید ہونے والے سپاہی وقاص کی نماز جنازہ کور ہیڈ کوارٹرز پشاور میں ادا کردی گئی جس کے بعد آبائی علاقے میں تدفین کی جائے گی۔
