کراچی (مانیٹرنگ ڈیسک)پاکستانی سکیورٹی اداروں نے کراچی میں بھارتی بدنام زمانہ خفیہ ادارے ’’را‘‘کے تین ایجنٹ گرفتارکرلئے ہیں ۔ایک نجی ٹی وی کے مطابق کراچی سے گرفتاران تینوں ایجنٹوں کاتعلق ’’را‘‘کے جنوبی افریقہ میں انیس الحسن گروپ سےہے ۔
ان ایجنٹوں نے اعتراف کیاہے کہ وہ کراچی میں قتل وغارت اورفرقہ وارانہ وارداتوں میں ملوث رہے ہیں ۔انہوں نے مزید انکشاف کیاکہ ان کے گروپ کاسربراہ انیس الحسن بھارتی خفیہ ادارے ’’را‘‘کے احکامات پرکراچی میں ٹارگٹ کلنگ اورفرقہ واریت کی وارداتیں کراتارہاہے ۔پاکستانی سکیورٹی اداروں نے ان تینوں ایجنٹوں کومزیدتفتیش کےلئے نامعلوم مقام پرمنتقل کردیاہے ۔
