کراچی (آئی این پی)ایم کیو ایم پاکستان کے سربراہ فاروق ستار نے پاک سرز مین پارٹی کے تبت سینٹر پر جلسے کو جلسی قرار دیتے ہوئے کہا ہے کہ آج شہر میں جلسہ نہیں جلسی کی گئی ، چھوٹی چھوٹی سڑکوں پر لوگوں کو بڑھا چڑھا کر دکھا یا گیا ، مردم شماری ہمارا حق ہے اور ہم اپنے حق پر کسی کو ڈاکا نہیں ڈالنے دیں گے، 1998میں کراچی کی عوام کو کم کر کے دکھایا گیا جو عوام کے ساتھ ناانصافی ہے

،اگر آبادی کو کم کرکے دکھا یا گیا یا ایسا کرنے کی کوشش کی گئی تو عوام اسے تسلیم نہیں کریں گے۔اتوار کو محفل نعت سے خطاب کرتے ہوئے فاروق ستار کا کہنا تھا کہ کوئی بھی مذہب کسی انسان کے قتل کی اجازت نہیں دیتا ایسے قدم انسان خود اپنی کم عقلی اور جہالت کی وجہ سے اٹھاتا ہے،جبکہ ہمارا حکومت سندھ سے مطالبہ ہے کہ سندھ کے وڈیروں پر لگا م ڈالی جائے،انہوں نے کہاکہ مردم شماری ہمارا حق ہے اور ہم اپنے حق پر کسی کو ڈاکا نہیں ڈالنے دیں گے، 1998میں کراچی کی عوام کو کم کر کے دکھایا گیا جو عوام کے ساتھ ناانصافی ہے ،مگر اس بار ہم صاف اور شفاف مردم شماری چاہتے ہیں ۔اگر آبادی کو کم کرکے دکھا یا گیا یا ایسا کرنے کی کوشش کی گئی تو عوام اسے تسلیم نہیں کریں گے۔