شکارپور (مانیٹرنگ ڈیسک) ڈی ایس پی کی دو صاحبزادیاں دو مختلف دنوں میں پُر اسرار گولیوں کی شکار بن گئیں اور طبی امداد ملنے کے دوران خالقِ حقیقی سے جا ملیں۔تفصیلات کے مطابق شکار پور میں دو روز قبل ڈی ایس پی کی صاحبزادی کائنات پُر اسرار گولی لگنے کے باعث دوران علاج جاں بحق ہو گئی جب کہ آج سوئم والے دن سوگوار گھر میں
ایک اور بیٹی گولی لگنے سے شدید زخمی ہو گئی جسے سکھر لے جایا گیا تاہم وہ بھی جانبر نہ ہو سکی۔ڈی ایس پی کا کہنا ہے کہ گھر میں جنات ڈیرہ ڈالے ہوئے ہیں اور پہلی بیٹی کو بھی جنات نے ہی گولی ماری تھی جب کہ آج دوسری بیٹی کو بھی جنات کی طرف سے گولی ماردی گئی ہے اور مجھ سے میری دونوں بیٹیاں بھی چھین لی ہیں۔ذرائع کے مظابق تین دن قبل ڈی ایس پی کی دونوں بیٹیاں کمرے میں تھیں کہ ایک بہن سے اپنے والد کا پستول چل گیا جس کی وجہ دوسری بہن کائنات شدید زخمی ہو گئی اور اسپتال جاکر دم توڑ دیا جس پر پورا گھر سوگوار ہوگیا۔بعد ازاں آج کائنات کے سوئم پر دوسری بہن نے سوگوار ماحول اور اپنی بہن کی جدائی برداشت نہ کر سکی اور شدت غم و غلطی کے احساس سے مغلوب ہوکر ڈیپریشن کا شکار ہو گئی اور خود کو گولی مار کر خود کشی کر لی۔
