اسلام آباد(آئی این پی) تھانہ کھنہ کے علاقے میں آزاد کشمیر قانون ساز اسمبلی کی سابق ڈپٹی سپیکر شاہین کوثر ڈار کو ڈاکوؤں نے لوٹ لیا ‘ نامعلوم موٹر سائیکل سوار شاہین کوثر ڈار سے زیورات ‘ نقدی اور موبائل فون چھین کر فرار ہو گئے ۔ ہفتہ کو پولیس کے مطابق تھانہ کھنہ کے علاقے ایکسپریس وے پر مسلح موٹر سائیکل سواروں نے شاہین کوثر ڈار کی گاڑی کو روکا اور ان سے زیورات ‘ نقدی اور قیمتی موبائل فون لے اڑے۔
شاہین ڈار کے مطابق ڈاکو 12 تولے سونا لے گئے ہیں اور ڈاکوؤں نے جان سے مارنے کی دھمکی دی جس پر زیورات ‘ نقدی اور موبائل فون ان کے حوالے کر دیا۔ تھانہ کھنہ میں شاہین کوثر ڈار کی درخواست پر نامعلوم ڈاکوؤں کیخلاف مقدمہ درج کر لیا گیا ہے۔
