کن منگ (آئی این پی)چین کے جنوب مغربی صوبے ینان سے اود بلاؤ کا ایک قدیمہ ڈھانچہ دریافت ہوا ہے جس کے بارے میں خیال کیا جاتا ہے کہ وہ تقریباً 60لاکھ سالہ قدیم ہے ، یہ ڈھانچہ اچھی طرح محفوظ کیا گیا تھا جس میں کھوپڑی ، جبڑا اور جسمانی ہڈیاں تقریباً مکمل حالت میں پائی گئیں ، اود بلاؤ کا وزن 50کلوگرام تھا اور یہ وزن اتنا ہی ہے جتنا عام طورپر بھیڑیے کا ہوتا ہے ،

اس کے قد کی لمبائی دو میٹر اور آج کل کے اود بلاؤ سے دو گنا لگتی ہے ،اود بلاؤ کا یہ ڈھانچہ مشرقی ایشیاء میں پائے جانیوالے اود بلاؤ ں کے گروپ سے ملتا جلتا ہے اگرچہ اود بلاؤ دنیا بھر میں پائے جاتے ہیں لیکن ان کے ڈھانچے کم ہی دستیاب ہوتے ہیں ، یہ نیا ڈھانچہ ینان میں دریافت ہوا ہے جبکہ اس سے قبل شانزی صوبے میں بھی اود بلاؤ کی باقیات ملی تھیں جس سے اندازہ ہوتا ہے کہ یہ جنوب مشرقی ایشیاء سے جنوبی چین اور شمالی چین سفر کرتے رہتے تھے ۔