اسلام آباد (مانیٹرنگ ڈیسک) حکومت نے نئے سال کی پہلی خوشخبری پیٹرولیم مصنوعات کی قیمتیں بڑھانے کی تجویز مسترد کرکے دی ہے، جنوری میں قیمتیں برقرار رکھنے کا فیصلہ کیا گیا ہے۔اوگرا نے پیٹرول کی قیمت 31پیسے اور ڈیزل کی قیمت تقریباً 4روپے بڑھانے کی تجویز دی تھی جبکہ مٹی کے تیل میں 6روپے 93پیسے، لائٹ ڈیزل آئل کی قیمت میں 3روپے 48پیسے اضافے کی سفارش کی تھی۔حکومت نے پٹرول اور ڈیزل کی موجودہ قیمتیں پندرہ روز کیلئے جبکہ مٹی کے تیل اور لائیٹ ڈیزل ا?ئل کی قیمتیں پورے مہینے کیلئے برقرار رکھنے کا فیصلہ کیا ہے۔وفاقی وزیر خزانہ اسحاق ڈار کہتے ہیں کہ آئندہ دو ہفتوں میں فیصلہ کریں گے کہ پٹرولیم مصنوعات کی قیمتوں میں ردو بدل ہر مہینے یا 15روز بعد کیا جائے۔