لاہور(آئی این پی) ہائر ایجوکیشن کمیشن کا یونیورسٹیوں کی ڈگریوں کی تصدیق کاآن لائن سسٹم متعارف کرنے کا فیصلہ‘یونیورسٹیاں خود سے مساویت کے سرٹیفکیٹ جاری کرنے کی مجاز نہیں ہوں گی۔تفصیلات کے مطابق ہائر ایجوکیشن کمیشن پاکستان نے یونیورسٹیوں کی ڈگریوں کی تصدیق کا آن لائن سسٹم متعارف کر رہی ہے۔ ہائر ایجوکیشن کمیشن کے ایگزیکٹو ڈائریکٹر ڈاکٹر ارشد علی نے تمام سرکاری و نجی یونیورسٹیوں کے وائس چانسلرز کو جاری کیے گئے مراسلے میں کہا ہے کہ ڈگریوں کی تصدیق، مساویت سرٹیفیکیٹس اور ڈپلومہ سرٹیفیکٹیس کی تصدیق کا کام ایچ ای سی کرے گانئے نظام کا مقصد ڈگریوں کی تصدیق اور مساویت کے معاملات کا آسان بنانا ہے۔ایچ ای سی کے موجودہ سسٹم کے تحت ڈگریوں کی تصدیق ریجنل دفاتر کراچی، کوئٹہ اور لاہور سے کی جارہی ہیں تاہم جلد ہی اسے پاکستان بھر میں آن لائن کر دیا جائے گا اس سسٹم کے تحت طالبعلم اپنی ڈگری کو ایچ ای سی کے آن لائن سسٹم میں سکین کر کے اپ لوڈ کرے گا اور یہ سسٹم نیشنل ڈیٹا بیس اینڈ ریگولیشن اتھارٹی یعنی نادرا کے ساتھ منسلک ہوگا جہاں پر امیدوار کی پہلے مرحلے میں شناخت کی تصدیق کی جائے گی بعدازاں ایچ ای سی پاکستان کوالیفیکیشن رجسٹر بنا یا جارہا ہے جہاں تمام سرکاری و نجی یونیورسٹیوں کے ڈگری پروگرام کی تفصیلات موجود ہوں گی اگر پاکستان کوالیفکیشن رجسٹر میں کسی ڈگری کی تفصیلات درج نہیں ہوں گی تو طالبعلم اپنی ڈگری کی تصدیق نہیں کراسکے گا۔ ایچ ای سی اس سسٹم میں مزید شفافیت لانے کے لیے تمام یونیورسٹیوں کے کنٹرولر امتحانات کو اس ڈیٹا بیس تک رسائی دے گا تاکہ طالبعلم کی سکین کردہ ڈگری کو کنٹرولر امتحانات بھی چیک کر سکے۔