لاہور (آئی این پی) سٹیج‘ ٹی وی اور فلم کے مزاحیہ اداکار محمد اعجاز عرف گوریلا انتقال کر گئے۔ انہوں نے لاتعداد ڈراموں اور فلموں میں اپنی اداکاری کے جوہر دکھائے۔ وہ عرصہ دراز سے دل کے عارضہ میں مبتلا تھے۔ انہیں گزشتہ روز لاہور صدر کے قبرستان میں سپرد خاک کر دیا گیا۔ ان کی عمر 75 سال تھی۔
واضح رہے کہ پاکستان میں اداکاروں کا آخری وقت انتہائی کسمپرسی کی حالت میں گزرتا ہے ۔ سرکاری ہسپتالوں میں انتہائی بے بسی کی حالت میں اپنا آخری وقت گزار دینے والے یہ اداکار جو ایک وقت میں غمگین اور دکھی چہروں پر مسکراہٹ بکھیرتے رہتے تھے اپنے آخری وقت میں ان کے ناروا سلوک ان کے شا یان شان نہیں ۔
پاکستان کے علاوہ باقی تمام ممالک اپنے فنکاروں کی جہاں ان کے جیتے جی قدر کرتے ہیں وہی ان کے آخری لمحات اور مرنے کے بعد بھی انہیں یاد رکھا جاتا ہے مگر پاکستان ہی ایک ایسا ملک ہے جہاں ان اداکاروں کی آخری سانسیں ٹوٹنے سے پہلے ان کی آس اور امید ٹوٹتی ہے ۔

موضوعات:اعجاز عرف گوریلا