بیجنگ (آئی این پی)وزیراعلیٰ خیبر پختونخوا پرویز خٹک نے کہا ہے کہ سی پیک پر تحفظات تب ختم ہونگے جب وزیراعظم آل پارٹیز کانفرنس میں تمام سیاسی جماعتوں کو اعتماد میں لینگے میں ذاتی طور پر ان منصوبوں سے مطمئن ہوں باقی فیصلہ پارٹی نے کرنا ہے ، چینی سرمایہ کار وں کو کے پی کے میں سرمایہ کاری کا بھرپور موقعہ دینگے ، ہماری انڈسٹریل پالیسی کی طرح کسی بھی صوبے کی پالیسی نہیں ہے جو کہ سرمایہ کاروں اس جانب راغب کرے گی 150کلومیٹر پشاور ،نوشہرہ ،مردان کو آپس میں ملانے کیلئے سڑک کی تعمیر سمیت پشاور ڈی آئی خان ریلوے ٹریک منصوبہ بھی سی پیک میں شامل کرلیا گیاہے، 1700میگاواٹ کے توانائی منصوبوں کا مطالبہ کیا گیا تھا جن میں سے ایک ہزار میگاواٹ کے منصوبوں پر کام شروع کرنے پر اتفاق کیا گیا ہے ۔

وہ جمعرات کو یہاں جے سی سی کے اجلاس کے بعد میڈیا سے گفتگو کر رہے تھے پرویز خٹک نے کہا کہ تمام صوبوں کے وزرائے اعلی کی موجودگی سے چینی اعلی قیادت کو اعتماد ملا ، اقتصادی راہداری منصوبے میں صوبے کی مین پاور کو استعمال کیا جائیگا اس کے لیے نوجوانوں کو ہنر سکھانے کے ادارے قائم کیے گئے ہیں جس سے بیروزگاری کا خاتمہ ہوگا ،

انہوں نے کہا کہ سی پیک پر تحفظات تب ختم ہونگے جب وزیراعظم آل پارٹیز کانفرنس میں تمام سیاسی جماعتوں کو اعتماد میں لینگے میں ذاتی طور پر ان منصوبوں سے مطمئن ہوں باقی فیصلہ پارٹی نے کرنا ہے ، چینی سرمایہ کار وں کو کے پی کے میں سرمایہ کاری کا بھرپور موقعہ دینگے ، ہماری انڈسٹریل پالیسی کی طرح کسی بھی صوبے کی پالیسی نہیں ہے جو کہ سرمایہ کاروں اس جانب راغب کرے گی 150کلومیٹر پشاور ،نوشہرہ ،مردان کو آپس میں ملانے کیلیے سڑک کی تعمیر سمیت پشاور ڈی آئی خان ریلوے ٹریک منصوبہ بھی سی پیک میں شامل کرلیا گیاہے، 1700میگاواٹ کے توانائی منصوبوں کا مطالبہ کیا گیا تھا جن میں سے ایک ہزار میگاواٹ کے منصوبوں پر کام شروع کرنے پر اتفاق کیا گیا ہے۔