اسلام آباد( مانیٹرنگ  ڈیسک )سابق گورنرسلمان تاثیرکوقتل کے الزا م میں پھانسی کی سزاپانے والے ممتازقادری کی قبرپرمقبرے کی تعمیرشروع کردی گئی ہے ۔تفصیلات کے مطابق ممتازقادری کایہ مقبرہ اسلام آبادکے نواحی علاقے میں تعمیر کیاجارہاہے ۔ایک معروف انگریزی اخبارکی رپورٹ کے مطابق اسلام آباد کے نواحی علاقے بہارہ کہو میں جہاں ممتاز قادری دفن ہے اورانکی قبر کی طرف جانیوالے راستہ نہایت خراب اورگندہ ہے جبکہ راستے میں پڑنے والی دیواروں پر قادری کے حق میں نعرے درج ہیں۔ممتازقادری کی قبرپرمقبرے کی تعمیرکے باوجودوہاں پرعوا م کاآناجاناجارہی ہے جبکہ ان کی قبرکے باہرایک دکان سے لوگ پھول ،اگربتیاں اورممتازقادری کی تصاویرخرید رہے ہیں اسی دکان پرہی ایک بورڈآویزاں ہے جس پرلکھاہے کہ مقبرے کی تعمیرکےلئے یہاں اینٹیں ،سمیٹ ،بجری ،سریایانقد رقم عطیہ کریں اورجنت میں مقام کمائیں ۔رپورٹ کے مطابق اس مقبرے کی تعمیر کےلئے عطیات دینے والوں کوباقاعدہ وصولی کی رسید دی جاتی ہے جبکہ کچھ لوگ قبرکی تعظیم بھی کررہے ہیں ۔رپورٹ میں یہ بھی انکشاف کیاگیاہے کہ ممتازقادری کی تدفین کے روزہی عطیات کی شکل میں 80ملین اکٹھے ہوئے تھے اورممتازقادری کاگھراس زیرتعمیرمقبرے سے دورنہ ہونے کی وجہ سے ان کاصاحبزادہ بھی یہاں ہی رہتاہے اورنعتیں پڑھتارہتاہے ۔