لاہور( این این آئی)پاکستان تحریک انصاف کے سربراہ عمران خان کی ڈاکٹر شاہد صدیق کی رہائشگاہ آمد کے بعد رش کے پیش نظر دروازہ بند کر دیا گیا جسکے باعث جہانگیر ترین بھی باہر رہ گئے ۔ تفصیلات کے مطابق عمران خان پارٹی رہنماؤں کے ہمراہ صوبائی میڈیا ہیڈ ڈاکٹر شاہدصدیق کے والد کے انتقال پر اظہار تعزیت کیلئے انکی رہائشگاہ جوہر ٹاؤن پہنچے ۔
عمران خان اور دیگر کچھ رہنماؤں کے ڈرائنگ روم میں داخل ہوتے ہی دروازے کو اندر سے بند کر دیا گیا جس کے باعث پارٹی کے سیکرٹری جنرل جہانگیر ترین بھی باہر رہ گئے ۔باہر موجودو کارکنوں نے جہانگیر ترین کانام بتا کر دستک دی جس پر دروازہ کھولا گیا اور وہ اندر داخل ہوئے ۔
