چترال (مانیٹرنگ ڈیسک)چترال میں معروف اسلامی سکالراورنعت خواں جنیدجمشید کے دوست محمد ایوب نے آخری ملاقات کا حال بتاتے ہوئے کہا کہ جنید جمشید نے بارہ بجے مدرسے میں بیان کیا ۔ایک نجی ٹی وی سے گفتگوکرتے ہوئے محمدایوب نے بتایاچترال میں مدرسے میں بیان کے بعد جنیدجمشیدنےاس کے بعد ایک اور جگہ بات کی جہاں لوگوں نے ان سے نعت ”محمد کا روضہ قریب آگیا“ سنانے کی فرمائش کی،
جنید جمشید یہ نعت سناتے ہوئے آخر میں روپڑے تھے، جنید جمشیدنے اپنی پہلی نعت بھی یہی پڑھی تھی اور آخری نعت بھی یہی پڑھی۔ محمد ایوب نے بتایا کہ جنید جمشید تقریباً دس دن چترال میں ہمارے ساتھ رہے تھے، جنید جمشید کی اہلیہ بھی ان کے ساتھ تھیں، جنید جمشید روانہ ہوتے وقت بہت خوش تھے۔
