اسلام آباد (مانیٹرنگ ڈیسک) پی آئی اے کی فلائٹ نمبر PK-661 گزشتہ شام چترال سےاسلام آباد آتےہوئے حادثے کا شکار ہو گئی تھی۔ تفصیلات کے مطابق اس طیارے میں موجود 47افراد جاں بحق ہو گئے ۔اطلاعات تھیں کہ جہاز میں موجود عاصمہ نامی ایئر ہوسٹس بھی جاں بحق ہو گئی اور اس کے کچھ دیر بعد میڈیا پر خبریں گردش کرنے لگیں کہ عاصمہ کے شوہر اپنی بیوی کی وفات کی خبر سن کر صدمے سے دل کا دورہ پڑنے سے جاں بحق ہو گئے ہیں

تاہم گردش کرنے والی یہ افواہیں جھوٹی ثابت ہوئیں اور تازہ ترین میڈیا رپورٹس کے مطابق وہ حیات ہیں اور اس وقت اسلام آباد کے پمز ہسپتال میں اپنی اہلیہ کا جسد خاکی وصول کرنے کی کوشش میں مصروف ہیں۔ایک نجی ٹی وی چینل پر خود انہوں نے اپنے زندہ ہونے کی تصدیق بھی کی۔ واضح رہے کہ عاصمہ کے شوہر کی وفات اور یہاں تک کہ دونوں میاں بیوی کی نماز جنازہ کی خبریں بھی چلائی جاتی رہیں۔ یہ اطلاعات پاکستان کے معروف نجی ٹی وی چینلز نےنشر کی تھی جو کہ محض ریٹنگ کیلئے اڑا ئی گئی ایک افواہ ثابت ہوئی ۔