اسلام آباد (مانیٹرنگ ڈیسک)حویلیاں کے قریب پی آئی اے کی فلائٹ نمبر PK-661 کو پیش آنے والے حادثہ میں ایئرپورٹ سیکیورٹی فورسز کے 2 کمانڈو بھی جاں بحق ہو گئےہیں۔ تفصیلات کے مطابق بدھ کو چترال سے اسلام آباد آنے والی قومی ایئرلائن کی پرواز حویلیاں کے قریب حادثہ کا شکار ہو گئی جس میں ایئرپورٹ سیکیورٹی فورسز کے 2 کمانڈوز بھی جاں بحق ہو گئے۔ جاں بحق ہونے والے کمانڈو احسن کا تعلق چکوال جبکہ سمیع کا تعلق ملتان سے تھا۔ ‎
واضح رہے کہ گزشتہ شام حویلیاں کے قریب مجاب میں پی آئی اے کا جہاز گر کر تباہ ہو گیا تھا جس میں جنید جمشید اور ڈی سی چترال سمیت 47افراد جاں بحق ہو گئے تھے۔ ۔ عینی شاہدین کے مطابق 04:42منٹ پر پیپلیاں اور مجاب کے قریب پی آئی اے کا جہاز گر کر تباہ ہوا ۔