لاہور ( آئی این پی ) ترجمان شریف فیملی نے کہا ہے کہ پارک لین اپارٹمنٹس سے متعلق دستاویزات آج پیر کو جمع کرانے کی بات غلط ہے ، حسین نواز کے وکلاء کی طرف سے آج کوئی نئے کاغذات داخل نہیں کیے گئے ۔

پیر کو نجی ٹی وی کے مطابق ترجمان شریف فیملی نے اپنے ایک بیان میں کہا کہ پارک لین اپارٹمنٹس سے متعلق دستاویزات آج جمع کرانے کی بات غلط ہے ، حسین نواز کے وکلاء کی طرف سے آج کوئی نئے کاغذات داخل نہیں کیے گئے۔

حقیقت یہ ہے کہ 30 نومبر کے بعد کوئی نیا بیان یا دستاویزات عدالت میں جمع نہیں کرائے گئے ۔ دستاویزات اپارٹمنٹس کی سیل ڈیڈ پر مشتمل ہیں ۔ یہ دستاویز صرف ظاہر کرتے ہیں کہ بیس سال قبل ان چار اپارٹمنٹس کی قیمت 19 لاکھ پاؤنڈ تھی ۔یہ قیمت عمران خان کے بیانات میں بتائی جانے والی قیمت کا 100واں حصہ ہے۔ یہ کاغذات فاضل عدالت کے سوال پر مہیا کیے گئے ۔