لاہور(مانیٹرنگ ڈیسک) میڈیا ذرائع کے مطابق قطر سے آنے والے شاہی خاندان کے لوگ اپنے ساتھ باز بھی لے کر آئے ہیں۔ تفصیلات کے مطابق قطر سے آنے والے شاہی خاندان کے لوگ اپنے ساتھ باز بھی لے کر آئے ہیںجنہیں وہ تلور کے شکار کیلئے استعمال کریں گےرپورٹس کے مطابق شاہی خاندان کے 15افراد اپنے ساتھ شکارکھیلنے کے لیے 20کے لگ بھگ باز لائے ہیں جنہیں دیکھتے ہی ایئر پورٹ پر موجود سیکیورٹی اہلکار حیران رہ گئے ۔گزشتہ روز لاہور ایئرپورٹ پہنچنے والا شاہی خاندان سیدھارائیونڈ پہنچا جہاں دوپہر کا کھانا اور شریف برادران سے ملاقات کے بعد فیصل آباد روانہ ہوگئے ۔ ذرائع کے مطابق بھکر کے ماڑی رکھ کیمپ کو شکار کیلئے مختص کردیاگیا۔ شکاریات کا شوق رکھنے والے بتاتے ہیں کہ تلور قطر کے شاہی خاندان کےساتھ آئے بازوں کو تلور کے شکار کی خصوصی تربیت دی جاتی ہے جس کے بعد وہ سدھائے ہوئےباز اپنے مالک کا شکار کیا پرندہ پکڑ کر اپنے مالک کے پاس لاتے ہیں ۔