لاہور ( این این آئی) گاڑیوں کی نمبر پلیٹس پر اپنا نام اور قومی ہیروز کی تصاویر لگانے کی اجازت دینے کا فیصلہ کر لیا گیا ، جون 2017ء تک اس پر عملدرآمد شروع کر دیا جائے گا۔بتایا گیا ہے کہ سپیشل مانیٹرنگ یونٹ نے یونیورسل نمبر پلیٹ کے ساتھ وینٹی نمبر پلیٹ متعارف کرانے کا فیصلہ کیا، وینٹی نمبرپلیٹ پر گاڑیوں کے مالکان اپنے نام یا ذات کے ساتھ حکومت کی جانب سے دیئے گئے قومی ہیروز کی تصاویر لگوا سکیں گے۔سینئر ممبر سلمان صوفی کا کہنا ہے کہ وینٹی نمبر پلیٹس کے لیے سیمپل تیار کرلیے گئے ہیں تاہم تاحال حتمی منظوری نہیں دی گئی تاہم امید ہے کہ منصوبے پر جون 2017ء تک عملدرآمد شروع کر دیا جائے گا ۔
انہوں نے بتایا کہ نمبر پلیٹس کی قیمت کا بھی ابھی تعین نہیں کیا گیا، اس نمبر پلیٹ کے اجراء سے محکمہ ایکسائز کو چارارب سے زائد رقم کی آمدنی متوقع ہے۔
