واشنگٹن(نیوزڈیسک)دسمبر میں زمین پربڑی تباہی،قیامت کی افواہیں، کیا ہونیوالا ہے؟ ناسا نے بالاخر جواب دیدیا، تفصیلات کے مطابق دسمبر 2016ءمیں دنیا میں بڑی تباہی اور قیامت جیسی آفت کے نازل ہونے کی افواہوں ایک عرصے سے جاری ہیں اور جیسے جیسے دسمبر قریب آتاگیا ان افواہوں نے زور پکڑا اور اب جب دسمبر آہی گیا ہے تو ضعیف العتقاد لوگوں کی تو سانس ہی پھول گئی، انٹرنیٹ پررپورٹیں یہ گردش کرتی رہی ہیں کہ دسمبر 2016ءمیں زمین پر قیامت جیسی تباہی برپا ہونے والی ہے اور اس کی وجہ نیبیرو جسے پلانیٹ ایکس کے نام سے بھی پکاراجاتاہے اس کو قراردیاجارہاہے کہاجارہاہے کہ یہ زمین سے ٹکرانے والا ہے جس کے بعد زمین پر وسیع پیمانے پر تباہی واقع ہوگی اور انسانوں کو بہت بڑا خطرہ لاحق ہوجائے گا ، ناسا نے تصحیح کی ہے کہ اس قسم کے کسی بھی خلائی اجسام سے دسمبر میں زمین کو کسی قسم کا خطرہ نہیں ہے ، ناسا کے پروگرام آفس کے سربراہ یومینز نے کہا ہے کہ ایسے کوئی شواہد نہیں ملے کہ ہمارے نظا مشمسی پر کسی قسم کی کشش ثقل کے اثرات مرتب ہورہے ہیں اور اگر ایسا کچھ ہوتا اور کوئی سیارہ آرہا ہوتا تو اب تک اس کے کسی حصے کو ضرور دیکھاجاچکاہوتا۔‎

موضوعات:افواہیں قیامت واشنگٹن