لاہور( این این آئی)سرکاری محکموں کے ملازمین عید میلاد النبیؐ کے باعث مسلسل تین چھٹیاں منائیں گے۔عید میلاد النبیؐ کی مناسبت سے 12ربیع الاول بروزپیر کو عام تعطیل ہو گی جبکہ 10اور11دسمبر (ہفتہ اور اتوار )ملا کر تین تعطیلات ہوں گی ۔ پردیسی سرکاری ملازمین نے تین تعطیلات کو مد نظر رکھتے ہوئے آبائی گھرو ں کو جانے کا پروگرام ترتیب دیدیاہے۔واضح رہے کہ ربیع الاول کا چاند دیکھنے کیلئے مرکزی رویت ہلال کمیٹی کااجلاس اسلام آباد میں ختم ہوگیا ۔ نجی ٹی وی کے مطابق رویت ہلال کمیٹی کااجلاس مفتی منیب الرحمان کی زیرصدارت ہوا جبکہ مفتی منیب الرحمان نے بتایاکہ ربیع الاول کاچاند نظرآگیاہے اور12دسمبرکوعیدمیلاد النبی ہوگی۔
واضح رہے کہ جشن عید میلاد النبی ﷺ کے سلسلے میں ملک بھر میں محافل جشن عید میلاد النبی ﷺ کا انعقاد کیاجا رہا ہے اوربھر پور عقیدت و احترام کے ساتھ عشاق کرام کے آقائے دو جہاں ﷺ کودرود سلام کے نذرانے جاری ہیں ۔