کراچی (مانیٹرنگ ڈیسک)ایم کیو ایم پاکستان نے متحدہ کے بانی کو ایک اور جھٹکا دیدیا، ایم کیو ایم پاکستان نے مقدمات کی پیروی سے دستبرداری کا اعلان کردیا ہے جس کے بعد وکلاء پاکستان میںمتحدہ بانی کے خلاف قائم مقدمات کیلئے عدالتوں میں پیش نہیں ہوں گے۔ایم کیوایم پاکستان نے لندن میں مقیم بانی متحدہ کے مقدمات کی پاکستانی عدالتوں میں پیروی سے دستبرداری کا اعلان کردیا۔

ایم کیو ایم پاکستان ذرائع کے مطابق فیصلے سے وکلاء پینل کو آگاہ کردیا گیا ہے کہ وکلاء کو بانی متحدہ کے کسی بھی کیس میں پیش نہ ہونے کی ہدایت کی گئی ہے۔واضح رہے کہ متحدہ قومی موومنٹ پاکستان نے 22 اگست کی متحدہ بانی کی شرانگیز اور پاکستان مخالف تقریر کے بعد لندن میں موجود قیادت سے لاتعلقی کا اظہار کردیا تھا۔

موضوعات:ایم کیوایم پاکستان مقدمات