لاہور(نیوزڈیسک)وزیراعلیٰ پنجاب محمد شہبازشریف نے چیف آف آرمی سٹاف کا عہدہ سنبھالنے پر جنرل قمر جاوید باجوہ کو مبارکباد دی ہے۔وزیراعلیٰ شہبازشریف نے اپنے تہنیتی پیغام میں نئے آرمی چیف کیلئے نیک خواہشات کا اظہار کرتے ہوئے کہا کہ جنرل قمر جاوید باجوہ کو دنیا کی بہترین اور بہادر فوج کی کمان کا اعزاز حاصل ہوا ہے۔
انہوں نے سبکدوش ہونے والے آرمی چیف جنرل راحیل شریف کی خدمات کو بھی زبردست الفاظ میں خراج تحسین پیش کرتے ہوئے کہا کہ دہشت گردی کے خاتمے اور قیام امن کیلئے ان کا تاریخ ساز کردار ہمیشہ یاد رکھا جائے گااور پوری قوم کو ان کی شاندار خدمات پر فخر ہے۔
