اسلام آباد(آئی این پی) وفاقی وزیر داخلہ چوہدری نثار علی خان 17 روز ہ دورے اور علاج کرانے کے بعد( آج)بدھ کو برطانیہ سے وطن واپس آئیں گے ،وزیر داخلہ نے برطانیہ سے ہر نیا کا آپریشن کروایا ہے۔

ذرائع کے مطابق وزیر داخلہ چوہدری نثار علی خان آج(بدھ کو ) برطانیہ سے وطن واپس پہنچیں گے ، چوہدری نثار کا برطانیہ کاتین روزہ دورہ سرکاری تھا جبکہ باقی چودہ روزہ نجی تھا ، اس دوران وزیر داخلہ نے ہرنیا کا آپریشن کروایا اور مکمل صحت یاب ہونے کے بعد ڈاکٹروں کے مشورے سے وطن واپس آ رہے ہیں۔ انہوں نے گزشتہ روز لندن میں پاکستانی ہائی کمیشن اور وہاں قائم نادرا سنٹر کا دورہ کیا اور حکام کو تارکین وطن کے مسائل کے حل کے حوالے سے ہرممکن اقدامات کی ہدایت کی ۔(آچ )