ملتان(آئی این پی) ریٹائرڈ ہونے والے آرمی چیف جنرل(ر)راحیل شریف کی خدمات کو سوشل میڈیا پر زبردست انداز میں خراج تحسین پیش کیا گیا۔ٹوئیٹر پر#ThankYouRaheelSharifکا ٹرینڈ دن بھر ٹاپ پررہا۔سوشل میڈیا صارفین نے جنرل(ر)راحیل شریف کی ملک وقوم کیلئے خدمات کوسراہااور کہا کہ سابق آرمی چیف نے ملک وقوم کیلئے عظیم خدمات سرانجام دیں جو ہمیشہ یاد رکھی جائیں گی۔جنرل(ر)راحیل شریف دہشت گردی کیخلاف جنگ کے ہیروہیں۔

ان کی خدمات اور ان کی قیادت میں پاک فوج کی قربانیوں پر پوراپاکستان انہیں سلیوٹ کرتا ہے۔سوشل میڈیا صارفین کا کہنا تھا کہ جنرل(ر)راحیل شریف آرمی سے تو ریٹائرڈہوگئے ہیں لیکن وہ قوم کے دلوں میں ہمیشہ زندہ رہیں گے۔ انہوں نے امید ظاہر کی کہ نئے آرمی چیف جنرل قمرجاویدباجوہ بھی جنرل(ر)راحیل شریف کے مشن کو آگے بڑھائیں گے۔دریں اثناء سابق آرمی چیف جنرل (ر)راحیل شریف کی خدمات کوخراج تحسین پیش کر نے کیلئے ملتان میں نوجوا ن نے سائیکل مارچ کیا۔سائیکل پرشہربھرکا چکر لگانے والے نوجوان ثاقب رحمان کا کہنا تھا کہ جنرل (ر)راحیل شریف کی ملک وقوم کیلئے خدمات ہمیشہ یادرکھی جائیں گی۔ان کی خدمات کوسلام پیش کرنے کیلئے پورے شہرکاچکرلگارہاہوں۔اس موقع پر نوجوان نے اپنی سائیکل کوسلام راحیل شریف اورانکی تصویرسے سجارکھاتھا۔

موضوعات:چیف جنرل(ر)راحیل شریف ردعمل سوشل میڈیا