راولپنڈی (مانیٹرنگ ڈیسک) جی ایچ کیو میں آرمی چیف کی کمان تبدیلی کے بعد سابق آرمی چیف جنرل (ر) راحیل شریف نے ایک نئی روایت قائم کر دی ہے ۔ ذرائع کے مطابق راحیل شریف نے کمان تبدیلی کے بعد آرمی ہاؤس نہ جانے کا فیصلہ کیا ۔ کمان تبدیلی کے بعد راحیل شریف دفتر گئے ، ذاتی سامان لیا اور لاہور کے لیے روانہ ہو گئے۔ وہ دو ہفتے قبل ہی اپنا سامان لاہور منتقل کر چکے تھے۔ جنرل (ر) راحیل شریف کی جانب سے یہ ایک نئی روایت کا آغاز ہے ۔واضح رہے کہ آج جی ایچ کیو راولپنڈی میں پاک فوج کی کمان کی تبدیلی کے حوالے سے شاندارتقریب کاانعقاد ہوا ۔سبکدوش ہونیوالے آرمی چیف نے روایتی چھڑی نئے آرمی چیف کے سپرد کی ۔
کمان سنبھالنے کے بعد نئے آرمی چیف دوستوں اور میڈیا پرسنز کے ساتھ گھل مل گئے،ہر ایک کا شکریہ ادا کیا۔ جنرل قمر جاوید باجوہ کے پاک فوج کی کمان کی سٹک سنبھا لنے پرپورا سٹیڈیم پاک فوج زندہ باد کے نعروں سے گونج اٹھا۔
