لاہور( آئی این پی )وفاقی وزیر ریلوے خواجہ سعد رفیق نے فاٹا کو ریلوے نیٹ ورک میں شامل کرنے اور پشاور سے طورخم تک ریل لنک کی فزیبلٹی تیار کرنے کی ہدایت کرتے ہوئے کہا ہے کہ ریلوے میں فیصلے گھنٹوں میں کیے جائیں مہینوں میں نہیں، فاٹا کو قومی دھارے میں لانے کی ضرورت ہے جس کیلئے ریلوے کلیدی کردار ادا کرے گا۔ سی پیک منصوبے کی کامیابی کے بعد تجارت کے بڑھتے ہوئے حجم کے پیش نظر طورخم سے افغانستان اور سنٹرل ایشیاء تک رسائی حاصل کرنے کے لئے چمن-سپن بولدک سیکشن کے متبادل روٹ بنانے کیلئے بھی واضح حکمت عملی تیار کی جائے۔
وزیر ریلویز نے مزید کہا کہ موجودہ حکومت کی پالیسیوں اورپاکستان ریلویز کے بہترین افراد کی مناسب حکمت عملی کی بدولت چائنیز اور ایشین ڈویلپمنٹ بنک کے ساتھ ساتھ دیگر ممالک بھی اب پاکستان ریلوے کے ساتھ جوائنٹ وینچر کرنا چاہتے ہیں۔ وہ پیر کویہاں ریلوے ہیڈکوارٹرآفس لاہور میں ایم ایل ون، ٹو اورتھری لنک سے متعلق اجلاس کی صدارت کررہے تھے۔ اجلاس میں ابتدائی ڈیزائن اور سروے سے متعلق سی پیک ٹیم لیڈر محمد اشفاق خٹک نے وزیر ریلویز خواجہ سعد رفیق کو بریفنگ کے دوران بتایا کہ ایم ایل ون (کراچی ۔پشاور) پرتیزی سے کام جاری ہے جواگلے ماہ کے اواخر تک مکمل ہو جائے گا۔
وزیر ریلویز خواجہ سعد رفیق نے فاٹا سے متعلق اپنی رائے کا اظہارکرتے ہوئے کہا کہ فاٹا کو قومی دھارے میں لانے کی ضرورت ہے جس کیلئے ریلوے کلیدی کردار ادا کرے گا۔ سی پیک منصوبے کی کامیابی کے بعد تجارت کے بڑھتے ہوئے حجم کے پیش نظر طورخم سے افغانستان اور سنٹرل ایشیاء تک رسائی حاصل کرنے کے لئے چمن-سپن بولدک سیکشن کے متبادل روٹ بنانے کیلئے بھی واضح حکمت عملی تیار کی جائے۔ وزیر ریلویز نے مزید کہا کہ موجودہ حکومت کی پالیسیوں اورپاکستان ریلویز کے بہترین افراد کی مناسب حکمت عملی کی بدولت چائنیز اور ایشین ڈویلپمنٹ بنک کے ساتھ ساتھ دیگر ممالک بھی اب پاکستان ریلوے کے ساتھ جوائنٹ وینچر کرنا چاہتے ہیں ۔
چیف الیکٹریکل انجینئرمسز امبرین زمان نے مسافر کوچز میں 110وولٹ سے220وولٹ میں تبدیلی کے حوالے سے وزیرریلوے کو بریفنگ دیتے ہوئے بتایا کہ 260میں سے 51کوچز میں یہ تبدیلی عمل میں لائی جاچکی ہے۔ وزیر ریلوے نے کہا کہ اس تبدیلی سے نہ صرف مسافروں کو کوچز میں بہترین سہولیات کی دستیابی ممکن ہوسکے گی بلکہ ٹرینوں کی کارکردگی اور ریلوے کی آمدن میں بھی خاطر خواہ اضافہ ہوسکے گا۔اُنہوں نے مزید کہا کہ جلد ہی باقی 209کوچز میں جون 2017تک 220وولٹ کی سپلائی کو ممکن بناکر ریلوے فلیٹ میں شامل کیا جائے۔ کوہاٹ –
راولپنڈی ٹرین بحالی سے متعلق اب تک ہونے والی پیش رفت پرچیف انجینئر اوپن لائن بشارت وحیدنے وزیر ریلوے کو بریفنگ دی۔ اجلاس میں چیئرپرسن ریلویز مسز پروین آغا، چیف ایگزیکٹو آفیسر محمد جاوید انور، مشیر ریلویز انجم پرویز، ممبر فنانس غلام مصطفی، سی پیک ٹیم لیڈر محمد اشفاق خٹک ،ایڈیشنل جنرل منیجرٹریفک مقصودالنبی، ایڈیشنل جنرل منیجر انفراسٹرکچر ہمایوں رشید، ایڈیشنل جنرل منیجر مکینکل لیاقت علی چغتائی،ڈی آئی جی ریلوے پولیس شارق جمال، چیف آپریٹنگ سپرنٹنڈنٹ محمود حسن ،چیف مکینکل انجینئرکیرج اینڈ ویگن عدنان شافع، چیف انجینئر سگنل محمد عطاء اللہ اورچیف الیکٹریکل انجینئر مسزامبرین زمان سمیت دیگر ریلوے افسران نے شرکت کی۔
