لاہور (آئی این پی) چنبہ ہاؤس سے ملنے والی (ن) لیگی خاتون سمعیہ چودھری کی لاش کا پوسٹمارٹم مکمل ‘ڈاکٹر ز نے موت کو طبی قرار دیدیا ۔تفصیلات کے مطابق لاہور کے چنبہ ہاوس کے ایک کمرے سے 40سالہ مسلم لیگ ن کی ورکر خاتون سمعیہ چودھری کی لاش ملی ،یہ کمرہ ن لیگ کے ایم این اے چودھری اشرف کے نام سے بک تھا
۔سمعیہ چوہدری کے پوسٹمارٹم کی ابتدائی رپورٹ آگئی ہے جس میں ڈاکٹروں کا کہنا ہے کہ سمعیہ چودھری کی طبی موت واقع ہوئی ہے تاہم فرنزاک لیب سے رپورٹس آنے کے بعد موت کی صحیح وجہ معلوم ہو سکے گی ۔پولیس حکام کا بھی کہنا ہے کہ ابتدائی رپورٹ میں قتل کے شواہد نہیں ملے
۔ڈاکٹروں نے سمعیہ چودھری کے جسم کے مخصوص حصوں کے نمونے فرانزک لیب بھجوا دئیے ہیں جس کی رپورٹ آنے کے بعد موت کی اصل وجہ معلوم ہو سکے گی ۔سمعیہ چودھری کی ایک دوست کا کہنا ہے کہ سمعیہ چودھری کی موت واقع ہونے سے قبل انہیں مشروب پلایا گیااس مشروب میں زہر بھی ہو سکتا ہے ۔
