اسلام آباد(آئی این پی)پاکستان تحریک انصاف کے چیئرمین عمران خان نے پی ٹی آئی کے ارکان قومی اسمبلی کو قومی اسمبلی اجلاس کا بائیکاٹ ختم کرنے اور قائمہ کمیٹیوں میں جانے کی ہدایات کردیں۔
اتوار کو نجی ٹی وی کے مطابق تحریک انصاف نے قومی اسمبلی کی قائمہ کمیٹیوں کا بائیکاٹ ختم کردیا،پی ٹی آئی ارکان کو قائمہ کمیٹیوں کے اجلاس اور قومی اسمبلی کے اجلاس میں جانے کی اجازت مل گئی،
عمران خان نے پارٹی کے ارکان کو تمام اجلاسوں میں شرکت کرنے کی ہدایات جاری کردیں۔واضح رہے کہ پی ٹی آئی کے سینیٹرز پہلے ہی قائمہ کمیٹیوں کے اجلاس میں شرکت کر رہے ہیں
