پشاور(این این آئی)پشاورپولیس نے سود کے کارو بار میں ملوث افراد کیخلاف کریک ڈاون کا آغاز کرتے ہوئے خواتین سمیت تیرہ افراد کو گرفتار کرلیا پشاورپولیس کے ترجمان کے مطابق سی سی پی او پشاور طاہر خان کی ہدایت کے بعد پولیس نے سود جیسے گھنونے کاروبار میں ملوث افراد کیخلاف کاروائی کا آغاز کردیا کاروائی کے پہلے مرحلہ کے دوران خاتون سمیت تیرہ افراد کو حراست میں لیا گیا ہیں ، گرفتار افراد غریب شہریوں کو سود پر پیسہ دیتے تھے گرفتار افراد میں خاتون مسماہ عائشہ بی بی ، محمد عمر،عبدالعلی خان ،رحمت حسین ،امیر ،اصغر ،شمس الرحمان ،عباس علی ،حبیب گل ،نادر اور گلفار بھی شامل ہے۔
جنہوں نے سود کے کاروبار میں ملوث تھے ، سود خوروں کے خلاف کریک ڈاون کا فیصلہ پولیس لائن میں اعلی حکام کی میٹنگ کے بعد ہوا واضح رہے کہ خیبرپختونخوا اسمبلی نے سود کیخلاف جہاد کااعلان کیا تھا اور اسمبلی سے اسکی روک تھام اور اس کاروبار میں ملوث افراد کیخلاف کاروائی کرنے کیلئے قانون سازی بھی کی تھی پولیس حکام کے مطابق گرفتاریاں نئے قانون کے مطابق کی گئی ہیں پولیس نے عوام سے بھی سود خوروں کی نشاندہی کی اپیل کی ہے ۔