اسلام آباد (مانیٹرنگ ڈیسک) گزشتہ شب چنبہ گیسٹ ہاؤس لاہور کے ایک کمرے سے40 سال کی خاتون کی لاش ملی۔ پولیس ذرائع کےمطابق چنبہ ہاؤس لاہور کے کمرے سےملنےوالی لاش کی شناخت صائمہ چودھری کےنام سے ہوئی ۔ پولیس ذرائع کے مطابق یہ کمرہ ساہیوال سےتعلق رکھنےوالےلیگی ایم این اے چوہدری محمد اشرف کےنام پر الاٹ تھا۔
دوسری جانب پاکستان مسلم لیگ نواز کے ایم این نے چودھری اشرف کا کہنا ہے کہ چمبہ ہاؤس میں میرے نام پر کمرہ کس نے بک کروایا مجھے کوئی علم نہیں ہے، میں آج تک چمبہ ہاؤس نہیں گیا۔ایم این اے چودھری اشرف کا کہنا ہے کہ مجھے نہیں علم کے میرے نام پر کمرہ کس نے بک کروایا تھا ،میں نےآج تک چمبہ ہاؤس میں کمرہ بک نہیں کروایا ۔ انہوں نے الزام لگایا کہ چمبہ ہاؤس کی انتظامیہ نے مجھ سے پوچھے بغیر ہی کمرہ بک کیا ہے ۔ سمیعہ کے حوالے سے سوال پر چودھری اشرف نے کہا کہ میں سمیعہ کو جانتا ہوں اور اس سے میری قومی اسمبلی میں کئی بار ملاقات بھی ہو چکی ہے،سمیعہ کا تعلق میرے حلقہ سےہے۔ہوسکتا ہے سمعیہ نے میرے نام کے ریفرنس سے کمرہ بک کرایا ہو میں اس معاملے سے لاعلم ہوں ۔
جبکہ دوسری جانب سمعیہ کے شوہر آصف علی کا کہنا ہے کہ میری بیوی مسلم لیگ نواز کی سیاسی ورکر ہے ، سمعیہ کارکنوں کے ہمرا شورکوٹ گئی تھی اور ادھر سے لاہور گئی، آصف کا مزید کہنا ہے کہ میر ی بیوی پہلے بھی کئی مرتبہ چمبہ ہاؤس جا چکی ہے، سمعیہ کے شوہر نے ایف آئی آر میں الزام عائد کیا کہ نامعلوم افراد نےمیری بیوی کو زیادتی کے بعد قتل کیا ہے ۔
ذرائع کے مطابق مقتولہ کی شناخت سمعیہ کے نام سے ہوئی ہے ، ساہیوال سے اپنی ایک سہیلی کے ساتھ شادی میں شرکت کے لیے لاہور آ ئی تھی ،مقتولہ سمعیہ کے حوالے سے انکشاف ہوا ہے کہ وہ ساہیوال کے معروف سیاسی گھرانے کی بیٹی اور سابق ایم این اے کی نواسی ہے۔

موضوعات:چوہدری محمد اشرف