اسلام آباد(نیوزڈیسک)نئے آرمی چیف کی تعیناتی،وزیراعظم نوازشریف نے پھر وہی کام کردیا، تفصیلات کے مطابق وزیراعظم نوازشریف نے ایک بار پھر اپنے ماضی کے فیصلوں کی ہی طرح سینئر موسٹ جنرل کو آرمی چیف نہ بنانے کا فیصلہ کیا ہے ،نوازشریف پاکستان کی تاریخ میں وہ پہلے وزیراعظم ہیں جو پانچ بار آرمی چیف کی تعیناتی کرچکے ہیں۔
نوازشریف نے اپنے کسی بھی دور میں اس سے قبل بھی کسی سینئر موسٹ جنرل کو کبھی آرمی چیف تعینات نہیں کیا انہوں نے جن جنرلز کو آرمی چیف تعینات کیا ان میں جنرل آصف نواز سنیارٹی لسٹ میں چوتھے نمبرپر،جنرل وحید کاکڑ پانچویں جبکہ جنرل پرویز مشرف لسٹ میں تیسرے نمبر پر تھے جبکہ جنرل راحیل شریف بھی تیسرے اور نئے آرمی چیف جنرل قمر باجوہ سنیارٹی لسٹ میں حیرت انگیزطورپر چوتھے نمبر پر براجمان تھے ۔
