لاہور(پ ۔ر) وزیر اعلیٰ پنجاب محمد شہباز شریف نے سیالکوٹ میں 16 سالہ لڑکی سے زیادتی اور تشدد کے واقعہ کے ملزمان کی فوری گرفتاری کا حکم دیتے ہوئے ڈی پی او سیالکوٹ سے رپورٹ طلب کر لی ہے۔ وزیراعلیٰ نے ہدایت کی کہ متاثرہ خاندان کو انصاف کی فراہمی ہر صورت یقینی بنائی جائے اور متاثرہ لڑکی کو علاج معالجے کی بہترین سہولتیں فراہم کی جائیں۔

محمد شہباز شریف نے سماء ٹی وی چینل لاہور کے کنٹرولر نیوز سینٹرل احمد ولید کے کمسن بیٹے کے انتقال پر گہرے دکھ اور افسوس کا اظہار کیا ہے۔ وزیراعلیٰ نے اپنے تعزیتی پیغام میں سوگوار خاندان سے ہمدردی اور تعزیت کا اظہار کرتے ہوئے دعا کی کہ اللہ تعالیٰ کمسن کی روح کو جوار رحمت میں جگہ دے اور غمزدہ خاندان کوصبر جمیل عطافرمائے۔