اسلام آباد(مانیٹرنگ ڈیسک) سابق صدر آصف علی زرداری کے مرشد اور پیشین گوئیوں کے حوالے سے معروف پیر اعجاز شاہ نے پیشین گوئی کی ہے کہ وزیر اعظم نواز شریف کو پانامہ لیکس کیس میں کچھ بھی نہیں ہونے والا۔ پیر اعجاز شاہ نے کہا کہ میں نے گزشتہ روز آصف علی زرداری کی والدہ کی برسی بھی کروائی جس کی ٹی وی چینلز نے کوریج تو کی لیکن خبریں نہیں چلائیں، پیر اعجاز شاہ نے کہا کہ وزیر اعظم نواز شریف پانامہ لیکس کیس میں سپریم کورٹ سے آرام سے بچ جائیں گے اور انہیں کچھ نہیں ہوگا۔
واضح رہے کہ اس سے قبل پیر اعجاز شاہ قومی اسمبلی کی کارروائی دیکھنے کیلئے پہنچ گئے تھے جہاں وہ میڈیا کی توجہ کا مرکز بھی بنے رہے۔ پیر اعجاز شاہ سیاسی معاملات میں عمران خان کو بھی مشورے دے چکے ہیں۔واضح رہے کہ کچھ حلقوں کے مطابق سابق صدر آصف علی زرداری اپنے مرشد پیر اعجاز شاہ کی اجازت کے بغیر ایک قدم بھی نہیں اٹھاتے۔

موضوعات:آصف زرداری پانامہ لیکس پیر اعجاز شاہ نواز شریف