اسلام آباد(مانیٹرنگ ڈیسک) سابق مشیرپیٹرولیم ڈاکٹرعاصم حسین کو پیپلزپارٹی کراچی کاصدرمقررکردیاگیا۔ایک نجی ٹی وی کے مطابق سابق مشیرپیٹرولیم ڈاکٹرعاصم حسین کوپیپلزپارٹی کراچی کاصدرمقررکردیاگیاہے ۔ڈاکٹرعاصم کے پیپلزپارٹی کراچی کا صدرمقرر ہونے پرسینیٹرسعید غنی نے کہاہے کہ ڈاکٹرعاصم حسین زمانہ طالب علمی میں بہت متحرک رہے ہیں اور پاکستان پیپلزپارٹی کے ٹکٹ پرسینیٹربھی منتخب ہوئے تھے ۔سعید غنی نے مزید کہاکہ ڈاکٹرعاصم جیل میں ضرورہیں لیکن عدالت میں 

اگلی پیشی پروہ رہاہوجائیں گے کیونکہ ان کے ساتھ دوسرے لوگ ایسے ہی مقدمات میں رہاہوچکے ہیں ۔سعید غنی نے کہاکہ اگرڈاکٹرعاصم حسین اس وقت مختلف الزامات میں جیل میں ہیں تواس کامطلب یہ نہیں کہ پارٹی ان کواکیلاچھوڑدے ۔انہوں نے کہاکہ ڈاکٹرعاصم کی پارٹی کےلئے بڑی قربانیاں ہیں جن کونظراندازنہیں کیاجاسکتا۔انہوں نے کہاکہ اگر الزامات ثابت نہیں ہوسکے تواس کامطلب ہے کہ ڈاکٹرعاصم حسین بے گناہ ہیں اوروہ پارٹی کوکراچی میں متحرک رکھیں گے کیونکہ وہ کراچی کے ڈائنامکس کوسمجھتے ہیں اوریہ قیادت کاایک اہم فیصلہ ہے ۔