اسلام آباد(مانیٹرنگ ڈیسک) ایک نجی ٹی وی کے پروگرام میں گفتگو کرتے ہوئے سینئر اینکر پرسن ڈاکٹر شاہد مسعود نے کہا ہے کہ نواز شریف 99.90فیصد میڈیا کو بھی خرید لیں تو مسئلہ یہ ہے کہ میرا کیا کریں گے؟

مجھے یا تو سر پر آکر گولی مار دیں ، میں اپنی بات سے پیچھے نہیں ہٹوں گاچاہے مجھ پر بین لگوا دیں یا جو مرضی کر لیں ، ڈاکٹر شاہد مسعود نے کہا کہ میرے ایک جملے سے صرف گمان ہوا تھا اور مجھے 45 دن کیلئے بین کر دیا گیا تھا۔ جنہوں نے گالیاں دیں اور ٹھونک بجا کر بہت سی باتیں کیں وہ ٹی وی پر بھی بیٹھے

ہیں اور سیریں بھی کر رہے ہیں۔ میں کہتا رہ گیا کہ مجھے غلط سمجھا جا رہا ہے اور میں نے ایسی بات نہیں کی جیسے سمجھی جا رہی ہے ، میں نے معافی مانگی لیکن مجھے بین کر دیا گیا۔ ڈاکٹر شاہد مسعود نے کہا کہ کوئی جو مرضی کر لے ، اب آپریشن ’’دبڑ دھوس‘‘ کا سیزن ٹو شروع ہونے والا ہے اور یہ پہلے سے زیادہ سخت ہوگا۔