اسلام آباد(مانیٹرنگ ڈیسک) عوامی مسلم لیگ کے سربراہ شیخ رشید جو اپنے برجستہ طنز اور سیاسی پیشن گوئیوں کے حوالے سے پاکستان میں بے حد مشہور ہیں نے اپنے بیان میں کہا ہے کہ وہ اپنی عوام کے مسائل کے ساتھ شادی کر چکے ہیں ۔
تفصیلات کے مطابق شیخ رشید نے اپنی شادی کے حوالے سے میڈیا کی جانب سے کیے گئےسوال کا جواب دیتے ہوئے کہا کہ میں اپنی غریب عوام کے مسائل سے شادی کر چکا ہوں اورپاکستانی عوام کی خدمت ہی میرا نصب العین ہے ۔
مانچسٹر میں تیسری شادی سے متعلق عمران خان کےبیان پر ان کا کہنا تھا کہ شادی ہر کسی کا شرعی اور بنیادی حق ہے تاہم مانچسٹر میں عمران کی تیسری شادی سے متعلق گفتگو محض ایک مذاق تھی جو کہ برٹش لہجے میں ایک عام سی بات ہے ۔ پانامہ لیکس معاملے پر بات کرتے ہوئے ان کا کہنا تھا کہ پانامہ کا معاملہ عدالت میں ہے اور امید کرتاہوں کہ اعلیٰ عدالت کا فیصلہ عوامی امیدوں کے مطابق ہی آئے گا ۔
